قانون ٥٢ يعمل ليحمي ، لكن أعداد المستهلكين تتزايد، و السجن بالإحصاءات يجعل الأغلبية المعاقبة تحترف جرائم الترويج و عامة الجرائم.. اليوم يلزم نعملوا حلول عميقة و ناجعة لتخليص الشباب و حمايتهم من الكارثة هاذي ، و هذا ما ينجم يكون إلا بالتركيز على الوقاية و العلاج و إعادة الإدماج، عوضا عن العقوبات السالبة للحرية... و أخيرا، ما نجموش نحكوا على قضية المخدرات اليوم من غير ما نحكوا على استراتجية وطنية متكاملة ، تقضي على الأسباب العميقة للتعاطي من الجذور، تحمي الناشئة بتربية على أسس صحيحة، و درجة ثقافة محترمة، تحمي الشاب بآفاق مهنية مفتوحة، تحمي المواطن التونسي بشكل عام بتوفير ظروف عيش كريم باش ما يهربش من الواقع عن طريق المخدرات وكان ما لقاش مخدرات يمشي للمواد العطرية ولا مستخلصات الخضر الفاسدة و لا غيره من الحاجات الي ولينا نسمعوا عليها بتواتر الفترة الأخيرة... لبوم يلزمنا نحموا شبابنا بطرق أكثر نجاعة ، و نعطوا فرصة للأجيال الجديدة إنها تستقبل الحياة بإقبال ووعي وأمل.. و شكرا فداء بن زايد ٢٢عام - قبلي